வாழ்வு - பாரதிதாசன் பாடல்

Udayakumar Nalinasekaren
Dec 20, 2010

அச்சம் தவிர்ந்தது - நல்
லன்பின் விளைவது வாழ்வு
மச்சினில் வாழ்பவரேனும் - அவர்
மானத்தின் வாழ்வது வாழ்வு!
உச்சி மலை விளக்காக - உல
கோங்கும் புகழ் கொண்ட தான
பச்சைப் பசுந் தமிழ் நாட்டில் - தமிழ்
பாய்ந்திட வாழ்வது வாழ்வு!
மூதறிவுள்ளது வாழ்வு - நறும்
முத்தமிழ் கற்பது வாழ்வு!
காதினில் கேட்டதைக் கண்ணின் - முன்
கண்டதை ஓவியம் ஆக்கும்
பாதித் தொழில் செயலின்றி - உளம்
பாய்ச்சும் கருத்திலும் செய்கை
யாதிலும் தன்னை விளக்கும் - கலை
இன்பத்தில் வாய்ப்பது வாழ்வு!